Këshilltari i Ilir Metës ka ndarë një status me ndjekësit e tij sot ne Facebook. Emiljano Aleksi, me rastin e ditës së dëshmorëve, ka dashur të kujtojë sot një nga heronjtë e vendit të tij, Kuçovës. Ai ka kujtuar një nga të rënët në luftë, “heroin më të ri”, e ka quajtur ai, Toger Donald Hoxha.
Statusi i plotë
“Kuçova është qyteti i heronjve dhe trimave të demokracisë Sot qyteti ynë i vogël në numër, nderon dhe përulet para dëshmorëve dhe heronjve të shumtë që ka. Emrat e tyre i ka gdhendur në rrugë, sheshe, shkolla dhe institucionet e tjera. Simbolet e heronjve dhe dëshmorëve janë të shpërndara në mbarë qytetin. Kuçova është qyteti i heronjve dhe trimave të demokracisë Heroi më I ri I qytetit tim është dhe Toger Donald Hoxha i cili u nda nga jeta më 6 prill 2016 si pasojë e rrëzimit të helikopterit.
Të dashur Patriot! Donaldi e flijoi jetën e tij në emër të paqes dhe të qetësisë, në emër të atdheut. Ai besoi me gjithë forcën tek ligji, tek uniforma, tek rregulli duke u shndërruar në simbol për çdo bashkëmoshatar dhe për qytetin tonë. #Mirënjohje dhe Lavdi dëshmorit Donal Hoxha. #Lavdi Shqipërisë tonë të dashur. Jam krenar që jam një prej bijve të këtij populli dhe të jem gjithashtu në shërbim të tij.”